焗釀大啡菇

材料：

大啡菇一盒3個，洗淨後即刻用廚紙吸乾水分

煙肉3條切絲或切粒

大啡菇蒂3 個切粒

洋蔥碎半個

牛油少許、橄欖油、洋芫茜碎

巴馬芝士(Parmesan)或馬蘇里拉芝士(Mozzarella)碎 3湯匙

鹽少許

黑胡椒碎少許

一. 大啡菇洗淨去蒂，即用廚紙吸乾水分，將鹽、黑胡椒洒上啡菇面，預熱焗爐200度。

二. 用橄欖油、牛油炒香洋蔥碎、煙肉碎及菇蒂粒，下洋芫茜拌勻。

三. 將(二)釀入大啡菇內，上鋪上芝士碎，放焗爐焗20分鐘。

註：

一. 我用的是片裝馬蘇里拉芝士(Mozzarella)，我覺得佢冇其他芝士咁咸。所以要自己切碎。整完我建議先煮溶佢才鋪上菇面會好一些。

二. 我跟另一個食譜，祇焗了10分鐘。焗完啡菇食落好似食新鮮蘑菇(白菌)咁，如果鐘意食鮮白菌便沒有問題，否則，我建議跟另一個食譜焗20分鐘。

三. 一般西廚會建議所有菇類不宜浸洗，最多用紙或乾濕布稍抹。但我覺得用水略沖即抹乾，待啡菇吸少少水份，焗出嚟會juicy啲。