Honey Granny蜂巢雪糕
2014/09/11 15:27:36 網誌分類: 講飲講食
韓流呼呼,近年香港愈來愈多有關韓國的東西,無論是化妝品、日用品、餐廳等等,基本上隨處可見!可見這股韓風是多麼凌厲。 最近韓國的一種有名雪糕----蜂巢雪糕也已經登陸香港數個月,而且更於紅磡及旺角開業,雖然兩間不同,但主打都是相同的。餐牌簡而精,款式不多,都是圍繞蜂巢雪糕,還有就是兩款蜂蜜的飲品。店內有個透明櫥窗置了兩大大的高腳盤子,盛著的是數塊大蜂巢與它的蜂蜜,令人口水直流!
之前睇雜誌, 話個老闆同老闆娘響外國旅行食完蜂巢雪糕後,覺得一定要帶番來香港咁話 仲講到個老闆好辛苦走遍台灣終於搵到個啱質素既蜂巢;小本經營, 典型香港奮鬥故事咁, 開張一個月話搵成50萬, 仲話開分店做蜂巢雪糕龍頭。
奶茶蜂巢雪糕 $38(杯裝)
根據Openrice食評:有人吃過後覺得不太特別,雪糕味道一般,而且雪糕份量非常少,可以不試。雪糕非常快溶。 雪糕亦非常甜。基本上,只是雪糕上淋上蜂蜜,以價錢黎講,就算貴。
我曾經食過蜂巢,祇覺得佢甜到漏!亦想像唔倒佢同雪糕加埋會起左咩嘢化學作用,所以雖然此店與我家相距甚近,但係來從冇諗過去幫趁。
今天下課回家,下午二時,烈日當空,好鬼熱呀!反正都行經呢間鋪,一於幫趁佢買杯凍飲解吓暑---青檸蜂蜜水$22。
試後感:嘩!果杯嘢味道極淡,祇係清水加左少少蜜糖味,杯內一小片青檸,但杯飲品完全冇青檸味道。以呢個價錢買一杯與清水差不多嘅飲品絕對唔值!我寧願去茶餐廳飲杯凍檸蜜或者凍檸水(仲有得坐兼涼冷氣添)。食水咁深,難怪可以月搵五十萬咯!
一次過,以後唔會幫趁!
說的是呢!
既然食水咁深
寧可去茶餐廳食個茶餐 伴飲奶茶仲好味抵食!!!
香港人只求新鮮快感 慢慢失去趣味而且沒太好味
又轉呔吃其他製作 騙人的手法不能持久
試過方知吾值!揾笨嘅嘢,一次已經足夠。
咁貴,唔係好值得。