幻音數碼(1822): 一日天堂一日地獄

幻音數碼(1822): 一日天堂，一日地獄

 昨天半日市，幻音數碼(1822) 裂口低開至$0.33 (-5.7%)，已是全日最高價，約10分鐘更插至$0.255(-27.1%)，收市報$0.305仍跌12.86% 。惟前日高見$0.425, 昨日低見$0.255；正是一日天堂，一日地獄。週一四毫子無沽既，今日一定呻笨。睇番下面兩圖，是但一幅已確嚇人。上週六至週一，本網誌之點擊率平均每天才八、九百，但昨已過千四，一定嚇親吾少人，此數据已可作指標。早前中國微電子(139)急升，點擊率由每天六、七百急升至每天千二、三 ，全該是無貨在手者，見過筆者撰寫的網誌不以為然，但見急升打入十大升幅便翻轉頭昅吓乜料，又話畀人知去昅。另急升期間生果日報兩篇股評也有點推波助瀾作用。昨日點擊率急增，登入讀者有無貨在手也不外乎三種心態，八掛、睇你點兜又或者睇你點死，呵呵！但已顯示急插更會觸動人心，吸引眼球，主力應會大樂咯。股仔炒作，昨日幻音數碼急插此場面才是常態，吾大震過又如何成妖股呢。有幾可大藍籌及大紅籌會有此景象。

既已嚇人，咁即係話震得差吾多囉。昨日開市三分鐘見急插，筆者即馬上登入股票戶口追貨，㩒得制嚟已不見$0.26，股價彈得太急, 只能以$0.275買入12萬股。買得三皮幾皆因近日又陷財困。戶口原本有舊錢喺度，20%再拎去做定期,老婆抽水20%, 新歡舊愛呢度買啲嗰度買啲，咪無乜錢剩囉！

至於話筆者係咪勇過頭，尚言之太早！插到成本價樓上5%，咪止賺囉，總要有Plan B 嘅。雖則只猜中發新股，但係十億新股喎。

再追貨只有一個原因，貨吾歸邊新東家點會入主呢!睇番配股通告，禁售期是完成配股後6個月,大概是明年3、4月之間。一早隊散咗，人家明年點散水呀！再者一開市邊會有如此多散戶沽貨丫。

幾個星期(或月)後見更高位，到時就無人記得昨日急插㗎咯。