韮菜炒水蜆

呢味餸響舊網寫過，不過好少整！祇不過早前買左少少韮菜整「韮菜豆卜炆魚頭」，剩左啲，左思右想嚟用嚟炒水蜆囉！

材料：

水蜆半斤

韮菜(約三蚊)

蒜茸兩粒

一. 水蜆浸兩小時，用手感覺吓有冇蜆殼，有便揀去；用滾水飛水。

二. 韮菜洗淨切大粒。

三. 燒油爆蒜茸，下水蜆爆炒，灒酒；加入韮菜，魚露一茶匙，糖一茶匙炒勻便可。

註：

呢味是潮州打冷店必備的一味餸。因為係用嚟送粥，所以偏咸！自己煮可以整得淡啲，保存蜆肉嘅鮮味！