民主=輸打贏要？

報載：

立法會十八個事務委員會及財務委員會轄下嘅兩個小組委員會今日開會選正副主席，但由於泛民主派單方面破壞同建制派嘅協調機制，玩突襲傾巢派人加入人事編制同工務小組委員會圖搶走主席寶座，兩派議員尋日就在立法會爆發連場罵戰，建制派指摘泛民背信棄義，泛民就批評建制派囂張跋扈(民主就係人多蝦人少架啦！佢地唔係奉之若神明咩)。

建制派尋日朝早召開秘密會議商討對策，決定只係將衞生同福利事務委員會分別讓路畀衞生服務界李國麟及社福界張國柱兩名泛民議員，其餘十六個事務委員會嘅正副主席職位將會搶到盡。議員蔣麗芸（Ann）開會後率先開火鬧爆泛民背信棄義，破壞行之有效嘅協調機制(民主係一人一票，根本唔應該有協調，呢樣嘢「飯民」唔係當佢係聖旨嘅咩)

不過，飯盒會召集人梁家傑就反駁話，雙方原本協議所有委員會正副主席「一人一半」，但建制派成日恃住人多蝦人少，搶盡大部分委員會話事權，所以泛民必定寸步不讓。被指在協調上失職嘅葉國謙透露，建制派會繼續要求加入兩個小組委員會，如果泛民真係拒絕，佢哋會要求財務委員會介入事件，咁就一定可以穩操勝券喎。

-------------------------------------------------------------------

係咪輸打贏要呢？「民主」係一人一票產生架馬！鬼叫你地人少呀。

香港大部份入都唔認同「短毛」、「陳基X」可以做立法會議員(垃圾會就得)，鬼叫佢果區啲人選佢呀！咁果區少部份嘅人焗住都要接受佢啦----願賭就要服輸。

呢啲咪係「民主」囉----少數服從多數(你可以稱之為大蝦細)！

咁樣一人一票選出嚟係咪好事呢？大家認真諗諗囉！