眾怒難犯

一如所料，唔駛理果班人，久而久之，自有天收！

報載：

佔領行動持續逾十日，運輸業界忍無可忍發出最後通牒，警告下周三為「最後忍讓日」，要求佔領道路的集會人士在限期前離開，否則會行使公民權利恢復社會秩序，出動夾斗車清走路障。而昨日亦有數十架小巴、的士分別到銅鑼灣及金鐘慢駛，抗議集會人士阻路。

運輸署助理署長蘇祐安亦表示：「真係好希望集會人士放出主要道路，讓交通回復正常。」他指駕駛人士減少駕車，昨日交通狀況始較暢順，如若他們恢復駕駛，情況將惡化。政府首席經濟主任區錫熊指出，假設零售、飲食營業額下跌五個百分點，本港經濟每周損失三億元。

巴士的士慢駛 盼警清場

粵港貨運大聯盟發言人蔣志偉指出，佔領行動嚴重影響運輸業生計，運送建材的貨車因堵路而無法在旺角上落貨，貨車亦因封路而要繞道，浪費油錢及時間，客戶也因擔心政治環境而暫停落單，貨車的保費更可能增加，種種因素均不利營商環境。他希望集會人士勿以堵路來表達訴求，於本月十五日前和平散去，勿讓事態惡化，否則會出動夾斗車清走路障，又警告集會人士不要低估他們的決心。

汽車交通運輸業總工會公共小巴分會昨早發動二十多部小巴，慢駛至銅鑼灣渣甸坊，抗議集會人士霸佔銅鑼灣道路，影響他們生計。小巴司機拉起「強佔道路，民怨四起，趕走路霸，還我道路」的橫額，高叫「違法佔中，斷司機米糧」口號，代表向警方遞交請願信，要求警方清場。

而該工會的士司機分會下午亦發動約三十部的士，由灣仔慢駛至金鐘太古廣場附近，停在路障前抗議。他們大叫「開路！」，揚言警方若不清場，不排除發動的士反圍堵佔中者。

該會副主任勞士正說，佔中令乘客量大減，司機收入大跌三至五成，塞車或改道亦令司機易與乘客爭執，形容主要幹道如人體大動脈，但現時「塞死晒」，香港好似「中咗風咁」。

當局促示威者開金鐘道

民政事務總署署長陳甘美華昨午與多名中西區區議員前往金鐘道視察，她促請示威者盡快讓出金鐘道，以便巿民生活重回正軌。灣仔中西區工商業聯合會則約見灣仔區議會主席孫啟昌吐苦水。一名在灣仔道經營超市的商戶陳先生指出，初時以為佔中會帶來商機，因店內樽裝水全被掃光，但及後數天已無人光顧，生意大跌，連日來損失逾十萬元。

---------------------------------------------------------------------------

人在做、天在看！

一. 「學？」講一句「對唔住」，叫大部份港人「犧牲少少」。

二. 佢地話：政府冇順應香港市民小小訴求。何謂「小小素訴求」？一個連香港政府都改變唔倒嘅決定叫做「小小訴求」？我係土生土長香港人，前拿BNO護照，回歸後第一時間換番個「中國護照」。我絕對唔認同佢地嘅所謂訴求；佢地亦絕對唔係代表香港大部份人意見！希望佢地更正：「政府冇順應部份市民訴求」；以我所接觸嘅香港市民，認同佢地嘅人唔會多過兩成！

三. 佢地最初要求政府同佢地「對話」。正如我之前講：佢地係what man horse？佢地代表唔倒大部份香港人意見、亦代表唔倒正在「佔港」嘅全部人意見，所以我唔明何解林鄭要咁抬舉佢，應承佢「會談」？不過，班人依家又改口啦：「會談」變成「談判」！談判要有籌碼，佢地嘅籌碼唔係「佔港」嘅人數，係影響幾百萬香港人嘅生計、日常生活，而當中大部份人都唔支持佢地！

四. 我亦一早所講左，同佢地傾係嘥氣嘅！因為相方冇會談基礎：佢地冇諗過會讓步，而佢地要嘅嘢、香港政府亦話唔倒事！所以，「佔港」呢樣嘢唔應該俾佢拖落去，一於清場啦！佢地要佔，應該去佔「北京」---要清楚對口係邊個先得架。

-------------------------------------------------------------------`

希望運輸界響十五號真係做嘢啦！咁警方點算？

有人非法佔用官地，係地政署責任喎---俾班人佔用廿年就係佢地架啦！依家連床鋪都放埋響街，第日搭埋廚房煮食，一於食大鑊飯！

不過，運輸界行動前一定要先講句：「對唔住！請你地為左香港大眾利益作出少少犧牲。」(以其人之道還自其身啫！一句「對唔住」就可以為所欲為)此外，亦千萬唔好用武力！如果佢地反抗，你地要罵不還手、打不還口----等警方做嘢：一邊係合法幫地政署處理佢地唔敢做嘢嘅人、一邊係非法佔用公地、阻塞交通嘅人！警方應該點做？唔駛教啦掛。

佢地講過：警方拉左人，就唔應該咁容易放人！識做啦：扣留得幾耐得幾耐，最好起訴埋兼留案底！雖然冇用，因為佢地都冇諗過留響香港。

至於附近受影響嘅市民、商戶，最好響度聲援、或者幫手抬走果啲人；又或者拍低晒現場情況，唔好俾啲偏埋一邊嘅傳媒、斷章取義作失實報導！更可以幫手拍低有份「掂港」人嘅樣，遲啲論功行罰都好吖。

個人認為(我唔會夠膽聲稱代表香港市民)：旺角與銅鑼灣必須清場！不過，香港人有言理自由(可惜啲人身在福中不知福)，響金鐘附近搵個地方俾佢地坐過飽。法？功都佔左全港唔少地方，雖然我覺得唔應該俾佢地咁做，不過，佢冇影響人嘅，咪容忍吓囉---見倒佢地、掂行掂過，當佢地透明咪得囉！

如果可以順利清場，政府都要認真諗吓：如何防止呢幾處地方再被人佔據！