官民應該還原基本步

佔中人仕又好, 反佔中人仕又好, 前線警方人員都好, 個個都有亞媽生, 唔喺石頭爆出嚟! 因此, 前線執法者都喺受人二分四咁執行任務, 佔中大學生或有關人仕都冇理由踢人下陰, 插人雙眼, 淋人尿水. 筆者對呢啲野蠻行為極之不贊成! 拆人祠堂同篤盲警務人員好易, 令人絕子絕孫同盲眼咁損陰騭嘅嘢都做得出,

唔怕報應落自己子孫身上咩? 有咩嘢咁深仇大恨? 假如真喺造成人哋終身殘廢, 自己要揹官司之餘, 當有朝一日冷靜落嚟, 就會呻笨同唔值得咁做. 由於而家人人群情洶湧, 一啲自制能力都冇, 加埋有心人煽動, 仲有咩嘢衰嘢做唔出喎? 官民雙方都應該[還原基本步]咁去釐清事實起點, 睇過用咩嘢方法嚟大事化小,

小事化無. 喺人都識得講家和萬事興, 唔通得番五個字嘅口號咩? 佔中打住爭取民主自己話事呢支旗耀武揚威, 假如中央實行戒嚴, 甚至焦土政策閂門打狗, 封鎖海陸空出入口同禁水禁糧, 睇怕都唔使派解放軍都贏呢場攻防戰. 唔好恃住有好多億外匯, 唔好以為外國可以伸出援手, 如果得, 英國就唔使比陳方安生

同李柱銘食閉門羹啦! 再者, 中央要行使主權管治香港, 外國冇一個國家可以反對, 只可以對中央作出勸諭! 自古至今, 政治所玩嘅除咗權謀之就, 就喺財政軍權! 冇天文數字嘅錢, 冇用之不完嘅軍備, 好難喺政界呼風喚雨. 不過, 當有齊呢兩種條件, 又願唔願意出賣國家, 願唔願意做亡國奴, 就要睇各人本身嘅意願.