太極真理

道家好, 易理都好, 都離唔開一個太極圖嘅圖案, 當中有黑有白, 對立鮮明, 分庭抗禮. 奇就奇在既唔喺絕對黑, 又唔喺絕對白. 筆者曾經多次提到黑中一點白, 白中一點黑. 呢個宇宙先至可以多姿多彩, 萬物先至可以生生不息. 所謂孤陰不生, 獨陽不長! 好比全世界得留番男性或女性, 就冇可能有下一代喇.

是非功過, 同樣喺基於呢個道理! 你睇我唔順眼之時, 相對地我睇你一樣喺唔順眼! 反之, 你睇我唔順眼之時有小小反省, 同時認同對方唔錯得晒嘅時候, 就可以將過往百份之百嘅偏見淡化! 同樣地, 我亦覺得你唔錯得晒之時, 大家就有機會可以傾吓偈. 從睇死對方錯晒, 到體諒對方唔錯得晒, 到彼此交流同

解釋自己所處嘅位置立場, 同對方有相同有差異嘅地方, 就好容易打破僵局, 搵到雙方可以接納嘅定位. 更何況一理通百理明? 一件事能夠共融, 一定喺雙方都能夠作出讓步之同時, 搵到自己所需又唔傷害對方嘅稔法同做法. 如果每一件事喺交惡之前, 都可以試吓用呢個方法, 相信會減少好多不必要嘅誤會!

深一層再講, 太極圖嘅圓圈, 可以用嚟表達一件事嘅出現. 黑白兩者, 可以代入為觀點角度之不同, 終歸嚟講黑白雙方對整體成件事喺冇影響或冇關係, 唔存在黑一定叻過白又或者喺白一定叻過黑! 最重要嘅喺任何睇法, 原意喺想圓滿解決成件事. 由於呢個深層次嘅底線冇幾多人明, 人際間先至會越嚟越疏離.