太極真理1

太極個圈, 可以代表宇宙; 可以代表萬物中任何一樣嘢! 圈中黑白, 同樣喺千名萬號, 應不同環境就出現咩嘢嘅叫法. 好似: 黑白 = 天地 = 陰陽 = 乾坤 = 男女 = 好壞 = 生死 = 是非 = 對錯 = 成敗 = 正邪…等等! 如果引用佔中呢件事去代入太極圖, 大學生自以為喺冇做錯, 所以一定會揀選白色;

同時認定港府喺錯, 所以一定被列為黑色. 相對地, 港府認為自己立場同做法都冇錯時, 會企喺白色範圍; 亦認定大學生佔中是違法, 所以將大學生列入黑色. 如果雙方都認定自己喺白色, 對方喺黑色嘅話, 就冇留意到白中一點黑, 黑中一點白. 意思明顯到極點: 錯喺唔錯得晒, 啱又唔啱得晒. 因為, 呢個

宇宙除咗造物主所定嘅稱之為真理外, 其他嘅都喺個人道理. 甚至可以講喺誤將個人偏見代之以為道理, 呢種喺最危險嘅心理思想狀況, 會帶動超乎常理嘅身體語言同行為. 如是者, 彼此重新墮落偏執爭拗嘅局面. 一旦呢種狀況得唔到減壓, 將會成為新嘅負面力量, 成日會對其他人嘅對同錯作無情鞭撻.

任何嘢都冇一定成規法則! 就算有, 都未必適合所有人共同應用!! 就好似中西藥醫病, 有同一種病嘅部份病人醫得好, 有部份病人醫唔好. 並唔一定喺藥有問題, 而喺病人本身嘅吸收能力, 或承受壓力嘅底線. 所謂法則只屬於一時之需, 所以會因應朝代或環境改變, 有關前面人所定嘅法則就會隨時修訂.