佔中_必定自食其果
2014/10/25 14:00:23 網誌分類: 齋_TALK_廣東話
所謂和平佔中, 一開始就預謀咗武力佔中. 之不過一開始比個藉口自己, 推自己去洗腦, 認為佔中先至喺唯一逼港府妥協嘅方法. 殊不知比人利用咗, 去到今時今日洗濕咗個頭, 更加唔會承認自己參加佔中喺錯誤嘅選擇. 反而一再呼籲未支持佔中嘅香港人快啲支持, 未參加嘅人快啲參加, 仲要唔好信港府一言半語.
呢種洗腦式手法, 跟佔中人仕強調共產黨洗腦有咩嘢分別? 除咗換湯唔換藥之外, 共產黨洗腦就絕對唔啱, 只有佔中人仕嘅洗腦就啱晒咁話咩?! 唔好當全港七百萬人都喺唔用腦咁就輕易上當, 睇你哋妄顧無辜者生存空間, 都已經知道你哋一班烏合之眾全無人性, 你哋有老豆老母無限量比錢你哋使, 唔使開工就有錢,
同一班手停口停嘅打工仔開玩笑. 如果, 佔中人仕可以補番人哋損失嘅人工, 你哋點樣再玩, 筆者一定企出嚟撑你哋. 如果唔得, 就唔好死屍一樣瞓街阻街塞住交通, 阻人番工; 阻人開舖做生意! 筆者向來相信天地間有因果存在, 今時今日你哋無法無天, 睇怕拉尾嗰幾年都唔會有好日子過. 千夫所指, 無疾而終! 今日斷
人米路, 你估好好玩咩. 積咁多怨留比子孫, 時機成熟, 先至知咩嘢叫做因果自負; 咩嘢叫自食其果嘅時候怕已經太遲. 筆者更加相信物極必反, 呢班佔中人仕同全港打工仔作對, 又唔賠償人哋一切損失. 唔通呢個世界真喺有免費午餐, 害咗人哋一家, 就可以逍遙法外? 睇怕未必! 要知道人算不如天算, 有本事鬥贏個天囉!
回應 (0)
我要發表