佔中_正邪辨7

筆者對佔中冇特別嘅個人喜惡! 不過, 筆者對佔中行動以正大光明嘅名義去做出卑污陰謀事幹感到十分不滿! 筆者亦曾經強調佔中發起人唔好一面要做妓女, 而另一面又要貞節牌坊! 既然終極都喺想攪亂香港為目的, 就唔好擺到為咗民主自由! 既然要陰謀暗算為時尚, 就唔好講到自己大仁大義! 既然預咗陷香港人

水深火熱之中, 就唔好以救世主嘅面孔獻世! 以呢啲發起人嘅動機初心, 全部都喺自私自利, 全部都喺標榜和平行動, 去到最後都喺以武力解決. 與其為人所不齒講一套做另一套, 何不唔開章明義擺明車馬聲明要整死港府! 整港府唔死, 可以轉一個彎整死香港! 所謂做得出就唔怕認, 何必龜縮一面, 以無辜市民同你陪葬?

佔中發起人都喺有大學學位, 或者喺大學教授嘅資格. 睇佢哋嘅行為言語, 相信佢哋冇實質政治管理經驗. 而家口講嘅, 都只喺依書直說, 用咗唔知邊個國家邊個作者所著嘅邊本書嚟賣弄同翻版人哋嘅著作當中中心思想! 冇實質經驗嘅人講嘅嘢, 同紙上談兵望梅止渴有分別咩? 居然有咁多同等學歷嘅讀書人同埋佢癲!

筆者最後奉勸官民中無論邊一方面, 唔好以為民眾可以無止境咁愚弄, 所以不斷玩手段攪陰謀弄奸計. 民眾總會有清醒嘅一日, 到時自然會水落石出. 如果, 真心為民眾福祉同子孫嘅未來著想, 就唔該解散一切對立, 重回談判枱去共同磋商. 筆者相信只要官民為民請命嘅出發點從冇改變, 彼此間總會搵到共識同可行方案.