藥饍雞腳

響街市買的雞腳有兩種：大的十蚊五隻、小的十蚊六隻。我鍾意食細隻嘅！尋日買左廿蚊，雖然冇加價，都係十蚊六隻，但很明顯雞腳較前細隻了！

幾個月前食譜都寫過，幾個月才吃一次，都冇咩嘢好驚啦！今次咁啱屋企冇沙參，咁咪唔落囉，我都話好隨意架啦！

材料：

短雞腳十二隻      飛水洗淨(至於切唔切腳趾隨個人喜好啦！切左啲油會落晒

                       啲水度，我個人唔喜歡斬腳趾避沙蟲)

薑一小塊

藥材可包括沙參、玉竹、黨參、北芪、圓肉、紅棗、杞子(以上各物多少隨意，我喜歡落多啲玉竹同紅棗，甜啲)；此外，我覺得一定要落兩三片當歸，味道差好遠。都係果句啦，唔鍾意咪唔落囉！口味嘅嘢因人而異嘅。

一. 藥材浸半小時，用滾水連薑煲半小時至出味，下雞腳煮滾，收細火煲一小時(因為今次雞腳較細隻，一小時已足夠)。

二. 稔後下鹽調味。因為藥材份量隨意，所以要煲好後才下鹽。