香港_能交棒嗎?2

早兩日, 筆者有事約咗朋友喺旺角下午茶聚! 途中所見嘅一班所謂佔中人仕, 唔喺起到打牙骹, 就喺度席地而坐開餐, 一邊食一邊細聲講大聲笑. 對於因佔中而觸發起所有有關部門日以繼夜咁執勤, 攪到身心疲累. 呢班食緊嘢開緊餐嘅佔中人仕, 有冇稔過使咗幾多納稅人嘅錢, 去支付你哋嘩鬼式無理取鬧嘅行動當中.

如今, 據聞學聯因為佔中三子發起人縮骨而向港府提出新一輪對話, 港府似乎不感興趣. 因為佔中多一日, 就損害港譽多一日, 就比外資撤資多一份理由; 就比撤資時炒人多一分風險; 就比炒當中有可能喺佔中人仕嘅老豆老母! 假使因為連鎖反應下老豆老母比人炒咗, 到時冇收入支持佔中份子日常開支, 呢隻鑊邊個揹?

凡要立一法, 或推行一法, 都要思前想後, 將種種優劣嘅可能性一一預計. 呢條法例可唔可以立, 立咗之後行唔行得通, 屬於利民抑或擾民, 對香港整體而言喺利多抑或弊多? 並唔喺港府想點就可以點! 同樣哋, 唔喺大學生想點就可以點! 同時, 唔喺佔中三子想點就可以點! 更加唔喺外國勢力想點就可以點! 一切依國家

憲法所賦予嘅權力辦事! 縱有律例條文經已過時, 只可以因時因事之不同而修訂相關條文, 並唔喺刪除相關條文! 就等如父母或有做得唔多好唔啱嘅嘢, 並不等如仔女可以唔要父母! 佔中大學生喺唔喺烏合之眾? 屬唔屬於志大才疏? 就要睇佢哋可唔可以從高調子嘅地位下降, 為咗解決香港問題務實, 而唔喺空口講大話!