日式咖哩牛肋條、配麵包

一煲過，唔駛攪咁多嘢------懶人之選！

材料：

牛肋條一包溶雪洗淨抹乾

紅菜頭一罐泌去水份

蒜頭數粒

日式咖哩磚2件

有糖可樂約500毫升

無味麵包

一. 紅菜頭如太大，可切細。牛肋條如太大件，也可一開二(一口一啖最好)。

二. 燒橄欖油，下牛肋條四面煎香，兜勻，洒上黑椒及海鹽少許。

三. 下蒜頭及咖喱磚，待咖喱溶後，倒入可樂煮滾，較細火燴煮45分鐘。

四. 麵包可烘脆，配牛肋條食。

註.

一. 日式咖啡喱磚分甘口、少辣和大辣，視個人喜好而定。我用的是甘口，帶甜，祇有咖喱香而不辣。

二. 西式煮牛肋條一般下甘筍、薯仔。但薯仔比較滯；如果要顏色靚，下甘筍便可。紅菜頭煮出嚟顏色稍差，但食味好----清爽且甜！亦有益。

三. 西式配麵包，一般用長法包---一來買唔倒、二來亦食唔去！因此響「佳記」買左一包四個嘅「意大利式包」，醮汁食，效果唔錯！

四. 此味餸主要甜味來自可樂，所以不能用無糖可樂代替。

五. 牛肋條先煎四面，是要鎖住肉汁。