金銀蒜蒸九肚魚
2014/11/10 18:06:08 網誌分類: 食譜
響街市見倒有九肚魚,二十蚊斤,唔係太大條,最好梗係用椒鹽煮啦!不過,自己整,少啲油都唔得,所以咪蒸嚟食囉!
材料:
九肚魚一斤去頭及腸略沖洗,一開二
粉絲一小束浸軟略剪短
蒜茸,多少隨意
炸蒜茸,多少隨意
蔥粒,可有可冇
調味:魚露
一. 粉絲放碟底。
二. 九肚魚用魚露、生粉、蒜茸及油拌勻,醃幾分鐘,拌入炸蒜茸。
三. 將魚放粉絲面,大火蒸八分鐘,如有蔥粒,洒上一焗便可。
註.
一. 魚露顏色深淺及咸度差距頗大,所以份量要自己決定。如冇信心,可下少一些,寧願整好後加蒸魚豉油。
二. 正式潮州煮法,會落冬菜醃魚(食潮州魚旦粉一定有)。不過,我自己唔鐘意食冬菜,所以唔落啫!
我沒試過蒸,通常打邊爐的,至愛之一. +1
我都好鐘意食架,不過屋企又得我一個鐘意,所以少整。
正,為食豬最鍾意食。
我地鍾意白灼,可加粉絲同韭菜,用酒,薑汁,油,生抽醃魚。食時用生抽,胡椒粉,我一個人食一斤。