吾Out(過時)矣！

發哥金句：我大聲，唔代表我冇禮貌！

依家應該變成：我講粗口，唔代表我唔係大學生！

我一向以為，人讀得書多，自然會知書識禮---豈碼字都識多幾個啦！我地嘅年代，讀得完中學已經好好架啦，大學生？嘩，真係要向佢地salute(見禮)架！

以前香港嘅大學唔多，得中大同港大。響三、四十年代，打崩頭都入唔倒港大；退而求其次，才會選擇入中大。那時政府招聘政務主任，一般都祇係收港大生，及至八零年代才開始有中大畢業生考倒做政務主任。不過，響政府內部，其實大家心裡都有把尺---中大嘅無論成績(特別係英文程度)與家庭環境都較港大生差(那些年，家境唔好都幾難入倒港大！佢地真係blue-blooded(有貴族血統)架)！

其後好多專上學院都變成大學(依家香港有八間大學)，響呢啲學院畢業者便成為大學生，因此大學生依家一點也不馨香：物以罕為貴吖馬！而且大學多左、競爭少左，於是.....

即使如此，讀得書多俾人嘅感覺都應該係有禮貌，唔會講粗言穢語嘅。我雖然讀得書少，近排俾班嘢攪到自己都粗鄙埋：呢樣嘢我知架，我咪講左sorry囉----道左歉、殺人放火都得架馬！

報載：

理工大學爆出支持佔中學生於社交網站「講粗口」，遭校方追究的事件。理工大學物流及航運學系三年級生朱進傑於個人社交網站評論佔中新聞時，寫上「話你戇×都曬（嘥）×氣」及「智×障」等字句，惹來網民向校方投訴，校方將個案轉交學生紀律委員會處理，朱進傑一度在社交網站稱，校方曾警告最嚴重需接受延遲畢業處分。不過，理大學務長陳振沖其後於社交網站發表聲明，承認校方做法不合適，就事件引致誤會致歉(呢間大學真係冇鬼用)。

陳振沖昨午於理大社交網站專頁發表聲明，指校方已就事件作出檢討，由於是次投訴涉及理大學生與校外人士在社交網站私人平台上討論，校方不應參與，因此學務長辦事處就投訴跟進工作，包括向學生發出信件並不合適，決定收回給該同學的信件，重申理大一直致力支持言論自由，冀師生以理性方式表達意見，並尊重不同意見和立場(難怪！有咁嘅大學才會出此學生。唔知間大學駛唔駛寫悔過書自我批判呢)。

---------------------------------------------------------------

早輪網上見倒條片。片中所見是一位年青金毛「佔港」人士，響旺角彌敦道某商場外與一名「反佔中」人士對罵(其實係佢罵人才對)，對白相當多粗言穢語！當時，我同朋友討論此事時，我認為大學生唔會咁粗口爛舌，應該係一些江湖人物混左入去。當時，我真係認為大學生唔應該有呢種言行架，原來我錯了，仲錯得好交關，今時今日嘅大學生真係要刮目相看-----原來識講粗口，先可以做大學生！

所以，我覺得自己Out啦-----未能與時並進！