佔中三子無恥1

佔中三子嘅厚顏無恥, 從佢哋表態話會自首, 但又出口術講未有時間表! 不單喺神枱猫屎神憎鬼厭之外, 仲喺講一套做另一套嘅表表者. 難怪可以影響學聯佢哋表態時同一番言論同一個腔調! 自古都有話, 書生作反, 三年不成! 因為書生多數憑住一時意氣, 或比人利用; 或比人激一兩激, 就可以不自量力咁拍住心口衝鋒陷陣.

所以話者, 精人出口, 笨人出手! 識得四兩撥千斤, 自然成則邀功, 敗則留名! 佔中三子當然識得玩呢種手段, 不怕同全港市民包括參唔參予佔中人仕嘅父母為敵, 不怕同中央同港特政府正面交鋒; 不怕冇人受到矇騙自動獻身打頭陣. 最理想嘅喺等中央同港特政府唔耐煩時行差踏錯, 引起國際關注, 自然得米 – 從而引進外國勢力.

佔中三子打嘅如意算盤, 仲可以辣慶外國駐港領事同國際駐港分公司, 因為營商環境受到佔中徹底破壞, 自然投鼠忌器, 或聲援佔中嚟保障喺香港嘅外國人, 或考慮撤離香港嚟打撃外國公司來港意欲, 到時人浮於事, 家家都冇安定日子過時, 就可以進一步鼓吹全港市民仇視中央同港特政府, 咁樣借力打力, 由得香港亂過亂世佳人.

由於打住為民請命; 又打住爭取民主自由; 又打住香港人管香港事; 又打住公民抗命咁多似是而非嘅理由同藉口, 所以佔中三子乘機請假唔教書; 大中小學生或會請假唔番學唔考試, 寧可冒險大學畢唔到業, 都要受佔中三子蠱惑參加犯罪擾亂公安! 所以, 筆者向來強調佢哋喺烏合之眾, 全冇從政經驗, 單靠個人思維上演書生論政!