佔中_以大局為重

曾經有一位仁兄叫亞甲, 因為掙咗銀行卡數之後, 比銀行即時取銷卡嘅生效日期, 跟住進行收卡追數. 之後, 某甲重新申請新卡時被拒絕, 不但冇反省自己錯咗在先, 反而埋怨銀行冇人情味, 絕對唔啱. 撇開誰是誰非, 人哋銀行拒絕壞賬客申請新卡, 唔喺本地一間半間喺咁樣做, 而喺全世界銀行界都喺行呢一套被公認嘅行規鐵律.

同樣地, 佔中大學生參加呢種不負責任嘅活動, 同時前言不對後語咁做出講一套做另一套等行為, 早就觸怒港特政府之餘, 更加明目張膽咁無視法律, 仲想越級上京鬧事? 企喺佔中大學生立場梗會大聲疾呼話所作所為冇錯, 之但喺屬於自說自話, 並不等如全港七百萬市民都撐喺冇錯. 既然連地方法律都唔遵守嘅人, 中央政府拒絕入境

又有幾出奇至得? 就算擺酒嘅主人家, 都可以拒絕唔受歡迎嘅人仕入場, 何況中央政府對一班無禮嘅佔中份子, 自然唔使比面啦! 回過頭去睇, 任何人都有呢種情意結, 就喺唔會比唔受歡迎嘅人有機可乘, 所以中央政府唔存在歧視. 佔中份子方面亦唔需要陰謀論扣中央政府帽子, 雖然後者扣得人多, 不過持平去實事求是相信會更加好.

如果, 佔中一班大學生真喺想走長途賽去爭取民主自由, 希望聽下筆者幾點建議: 1.民主自由喺要基於人人公平原則; 2.世界冇免費午餐, 每日面對人事物總要付出特定嘅代價; 3.冇人可以恃住任何自己認同嘅理由去傷害身邊識或唔識嘅人; 4.比心機讀好啲書, 入職公門, 由低做起, 累積從政經驗; 5.無論邊個在位, 都要記得需要以大局為重.