佔中_以大局為重3

孔夫子係一代聖人! 佢嘅立論本嚟喺從個體以至於群體, 再從群體再伸延至整體. 所以四書中大學有講:格致誠正修五步內功, 同齊治平三步外功! 只可惜一般教書先生單從文字上面搵解釋, 變相依文字解文字, 又變相依自己覺得點樣就解成點樣, 通通違犯咗孔夫子以修己為讀書人應做的第一件重要嘅事, 修好自己之後先至跟住

引伸出其他嘅進度. 修己, 就好似起樓前要打地基! 想起一百層摩天大廈, 自然要用好耐時間嚟打地基! 自古至今, 點解大部份從政嘅人會中途變節? 就係因為冇打好地基; 冇做好自我修養嘅本份. 先至會受到身外一切誘惑, 將做官前曾經有過嘅高尚情操同抱負全部埋葬在貪婪墳墓當中. 其他做官嘅, 見到人哋貪都冇事, 相信自己

貪都會一樣冇事. 所以, 大有大貪, 小有小貪, 不可不貪, 越貪越想貪. 我哋通常犯嘅錯係鍾意要求人哋點點點點, 從冇自我要求要點點點點! 不知不覺間, 將自己提升到聖人個地位, 跟住變臉做劊子手咁口誅筆伐, 今日討伐呢個, 聽日打倒嗰個, 將自己僅有嘅寶貴時間浪費在意氣用事之中. 如果咁都名垂歷史, 過去聖賢豈不是好冤枉?

佔中參予者應該明白同了解, 民主自由喺要經過長時間歷史嘅洗禮, 當老一輩當權派人仕先後作古, 由新一代去過外國留過學嘅接班人, 以新思維新作風, 將民主自由日漸透明化同提升化. 既然係一場無止境嘅漫長遊鬥, 點解唔靜下個心, 宏觀取異類聲音, 狹觀以伸明己意, 一路交棒比下一代以至到無數代, 民主自由終會落入我哋手入面!