joboche1
joboche1
joboche1

佔中_空想多過現實

2014/11/24 09:35:15 網誌分類: 齋_TALK_廣東話
24 Nov

佔中呢壇嘢已將逼近兩個月, 直到而家呢班烏合之眾仍然咬住香港未來唔放, 所以有評論家指斥呢種冇腦嘅行為, 已經傷害香港未來三十年約一萬一千億. 至於呢個數字單指收入? 或單指利潤? 或單指除稅前數字? 評論家未有清楚講明, 但單睇一萬一千億呢個數字都已經令人觸目驚心. 如果, 將呢個數字要呢班烏合之眾揹上身,

 

每個人要負債還比香港全港市民, 平均要揹幾多? 揹唔揹得起? 要還幾耐? 又還唔還得起? 呢班食飽飯無憂米嘅腦殘一族, 一味要呢樣要嗰樣! 將原來應該理想同現實並重嘅生物鍊亂咁斬開, 要理想唔要現實, 寧可餓住肚皮都要空泛嘅民主, 寧可逼其他無辜者一齊餓死都要空泛嘅民主, 永遠沉醉於自以為是嘅民主, 簡直不切實際.

 

呢班腦殘成日口講民主, 個心成日形住喺由人民作主! 筆者曾經多次提到如果呢班腦殘所講所稔成為事實, 肯定世界大亂社會動蕩都得啦. 人民作主喎, 豈不是七百萬人有七百萬個主意, 到底邊個話得事? 到底邊個講至算? 當然, 有朝一日七百萬人嘅七百萬個稔法都一致, 換句話講七百萬個稔法濃縮成為只得一個, 而且喺唯一一個,

 

咁先至叫做民主! 擺到明而家腦殘推行嘅佔中犯法行為, 未有一個稔法喺一致嘅, 未有一個口號喺貫徹執行嘅, 未有一個理念喺上下一心嘅, 全部都喺班腦殘自說自話, 將自以為喺民主啲嘢塞比全港市民, 反而市民想佢地撤退嘅民意不被呢班腦殘接納. 呢種自摑咀巴唔要面嘅行為就喺佔中行為? 真喺張牙舞爪面皮厚, 看你橫行到幾時?

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}