佔中發起人罪不容誅2

佔中, 好似喺由一班大中小學生把持! 而事實上, 一班大學生既無社會經驗; 又冇管理實踐經驗; 又冇行政管理經驗; 又冇政治實戰經驗; 又冇人生經驗; 真係百冇! 乜都冇之下令佔中可以進行兩個月? 唔通成批學生背後有家長全力支持? 唔通呢班家長所搵嘅喺天文數字, 所以點使都使唔晒? 所以點都有餘有剩嚟支持仔女佔中?

筆者相信唔會喺咁! 因為越有錢就越怕死; 越搵得多就越孤寒! 冇錯, 仔女喺家長嘅心頭肉, 唔可以受啲啲委屈. 更何況家長有可能日又番工夜又番工嚟供樓, 未必有時間陪仔女, 所以對仔女有虧欠感到罪惡感. 因此, 盡量滿足仔女有理無理嘅要求同物質上嘅享受. 至於仔女個心態屬正常屬反常; 屬常態屬變態, 由於少接觸所以

唔知唔明. 家長未醒, 仔女要番學; 家長夜歸, 仔女瞓咗覺, 連一般傾偈兩三分鐘都未必有, 講唔上仔女正唔正常. 特別發育期同反叛期, 仔女埋怨家長冇時間理自己, 所以誤交損友嘅大把人在. 而家家長一聽仔女唔使自己擔心; 仔女仲得到學兄學姐嘅照顧齊齊玩佔中, 所以簽咗同意書比仔女. 點知呢個喺騙局, 呃晒又扼殺呢班

香港未來主人翁接班人! 佔中所有學生相信發起人只針對特首選舉; 只強調香港人管香港事. 佔中三條茂李冇指出歷史嘅責任同遺憾, 更冇指出對中國盡忠唔喺等同對一黨一人盡忠. 呢三條友冇解釋到香港個身份; 冇聲明香港喺中國版圖之內嘅地方政府; 冇理性去詮釋香港一定要依中國憲法行事, 而中國憲法為全國省市而建立.