joboche1
joboche1
joboche1

佔中發起人罪不容誅3

2014/11/30 10:24:52 網誌分類: 齋_TALK_廣東話
30 Nov

三條茂李利用大學生血氣方剛, 利用中小學生辨別能力同意識都唔強, 利用佢地天真率性, 所以先至聽信三條茂李所講; 先至任由三條茂李唆擺同蠱惑; 先至義無反顧咁反中央反港府. 三條茂李用似是而非嘅講話, 牽動咗成千上萬嘅學生心靈, 從而注入仇恨港府同中央毒素, 冇稔過香港嘅地理環境同歷史包袱, 做出犯法嘅行為.

 

自從港府推行通識教育以嚟, 強逼全港學生接受批判思維, 令到莘莘學子郁啲都拗餐死. 不論自己所持觀點啱定錯; 唔理反對者嘅論點有幾啱都好; 都一於反對同批判. 忘記咗凡事都有正反兩面, 觀點出現差距喺好常見, 冇必要一定要拗贏對方; 冇必要喺又拗唔喺又拗, 對人對己對成件事都冇好處, 點解一定非批判不可非拗贏不可?

 

佔中所持嘅喺片面理由, 從個人利益出發, 屬於狹觀性. 雖然有佢嘅可行性, 卻又唔屬於逼切性. 中央要全局指揮, 務求香港安定繁榮, 民生生活處於好嘅環境. 點知事與願違, 一班大中小學生受人唆擺攪出佔中呢個大頭佛. 睇怕結束無期, 香港無辜市民被捲份呢個假嘅政治風波. 佔中三子同幕後黑金金主等咗呢個機會都唔知幾耐.

 

難得有一班唔怕死唔識死嘅大中小學生, 更有埋佢哋背後家長簽名支持, 佔中就有多幾成把握. 縱然拖唔死中央, 最低限度拖得死香港. 再者, 拖死埋一班未來社會主人翁, 有可能個個都喺有刑事案底嘅罪犯, 或者唔使入冊, 都已經成為廢物冇晒殺傷力. 香港嘅未來冇必要估估吓, 唯一可以肯定中央同港特政府對呢班接班人投鼠忌器囉.

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}