joboche1
joboche1
joboche1

佔中三子_自首無恥3

2014/12/03 12:30:07 網誌分類: 齋_TALK_廣東話
03 Dec

如果, 佔中三條發起人真喺想承擔應有嘅法律責任, 就應該從第一次記者招待會公佈佔中內容, 並且提醒有意參予行動嘅人仕包括大學生要想清想楚, 因為佔中行動本身係犯法, 係法律唔容許, 係社會唔容許, 係國家唔容許嘅事件. 一旦發動, 變相向港特政府宣戰, 向法律挑戰, 向長久以嚟過住比上不足比下有餘生活嘅全港市民宣戰.

 

佔中既然從開始就係犯法, 所有助長佔中或延長佔中同樣嘅被理解成犯法. 由於三條友既鼓吹同煽動, 令到全港市民陷入生活受到衝激超過兩個月. 同時, 一班參予佔中學生背後既家長都冇稔過佔中係咁大鑊, 因為一班家長信賴發起人係為咗民主選舉特首要一人一票, 而唔係由中央指派下任命嘅新特首. 點知事件並唔係三條友所講,

 

而係相差十萬八千里, 不但造成自己仔女學業唔顧只顧佔中, 又估唔到影響打工仔上班困難, 更估唔到由佔中分裂成佔銅佔旺, 最後更估唔到有參予佔中人仕做幪面超人以武力到處破壞. 凡此種種, 罪魁禍首非三條友莫屬. 而家呢三條友只承認參予犯法行動, 避重就輕唔講自己係發起人, 咁樣做嘢冇擔戴既敗類, 令到支持者以及兩學

 

學員十分憤怒. 何況, 呢三條友將發動佔中推得一乾二淨, 令所有矛頭直接指向兩學學員. 雖然, 呢三條友再次粉墨登場再開記招表示於12月3日向警方自首, 只不過未有將所有罪名攬晒上身. 當然, 部份以武力進行佔中, 有可能呢三條友未必事前知道. 但, 從挑機挑釁立場睇嚟, 呢三條友一定經過商議走法律漏動, 希望唔使坐好耐監.

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}