Honey Granny 蜂巢雪糕(二)

本網誌於九月曾紹呢間所謂韓風嘅蜂巢雪糕。果次我祇係試過佢嘅「青檸蜂蜜水」，便沒有興趣嘗試佢嘅招牌雪糕----$22一杯青檸蜂蜜水，青檸味又唔夠、蜜糖味又唔夠，你仲會唔會用$38試以下一杯咁「的式」嘅雪糕吖？

尋日同姪女食緊午飯，佢講起早一晚同朋友響尖沙咀打完邊爐響附近間Honey Cream食過個雪糕，覺得好好食，上網發覺有間同類店叫Honey Granny，問我食過味？我答：呢間店咪響我樓下囉！佢聲稱係香港第一間引入蜂巢雪糕嘅店，不過我未食過。

姪女見係首間店鋪，基於Honey Cream 好食，梗係想試吓原創啦！食完午餐咪去幫趁囉！我估佢地都知人地覺得佢咁細杯，唔值呢個價錢，於是改左叫做「脆穀蜂巢雪糕」。我要奶茶味$41，姪女要原味$37：

睇落好似好大杯，其實下面係用爆穀加高左，上面雪糕度又黏上爆穀，感覺咪大杯左囉！

姪女兩間都試過，很明顯係Honey Cream好食好多----呢啲咪叫做青出於藍囉！

佢食第一啖就話好甜！雪糕同爆穀甜，加上蜜糖更甜、再單食舊蜂巢就甜上加甜！之前我未食過都係咁話啦：我睇唔出蜂巢同雪糕加埋會起左咩嘢化學作用！

再者，效率也低---雪糕上嘅爆穀續粒黏上去，人多幫趁唔知佢點應付得嚟！

姪女慨嘆：成間睇落都似係一間台式店，邊度有韓風？我諗我下次返港佢都可能消失埋！