火鍋

坊間指進食雞煲後，多喝水或吃得清淡便可以沖走已進食的鈉？吃高鈉食品後是否有方法補救呢？

「雞煲火鍋食嘅時候，人體已吸收咗當中嘅鈉，唔會因為飲多咗水而溝淡，第二日食清淡啲，幫助亦唔會好大。」香港營養師協會會長林思為指，想降低攝取鈉含量，應從日常生活入手，例如多進食含鉀的蔬菜。

香港中醫師公會會長中醫關之義指，脾胃虛弱、燥熱的人不適宜食雞煲，「兩星期食一次都嫌多。」關又指，若頻密食雞煲，容易導致消化不良，而進食雞煲後翌日可以飲用一些清淡的湯水，如豆腐湯、生菜湯，有助胃部消化。

姪女一個人響上海工作，據佢講一星期總有兩三晚食麻辣火鍋；剛回港呢個星期，亦有三晚食火鍋。我每次都勸佢減少食火鍋嘅次數，但係食火鍋似乎係上面嘅飲食文化，如果好似我咁熱底，肯定死得！

一個人獨在異鄉，病起上嚟好麻煩。佢自少移民美國，習慣有病便買成藥食。我見佢今次初回港時又流鼻水、又咳，問佢有冇食藥，佢話買左咳水飲。我同佢講：「你有流鼻水，肯定作感冒，淨係飲咳藥水唔得，你有冇聽過Neosep(感冒藥，冇中文名)？」

姪女：「有！老豆響美國都係食佢。」

我：「我屋企有買定響度看門口。」但她回來頭幾日響朋友度住，於是食完飯便與她到附近間屈臣氏問。(地鐵廣告寫住屈臣氏、萬寧有售)，

哼！果間屈臣氏問左兩個售貨員，佢地一聽倒係英文，第一個反應是：「吓！咩嘢話。」

我：「係Neosep傷風感冒藥。」

其中一個指著售賣傷風、咳藥的專柜叫我地自己搵。其實唔駛搵我都知道專柜冇啦(我成日行屈臣氏架馬)，我估要有藥劑師嘅專門店先有。結果搵倒隻叫樂信傷風藥，英文名係Neosed。我第一反應是：「唔係呢隻，果隻冇中文名架！」英文串法差一個字。

姪女：「唔係喎！應該係呢隻喎。」我心諗：你話係就係啦！回家攞自己啲睇，證實我係啱嘅，於是whatsapp張相俾姪女睇，佢回應係一個「O」咀，因為我果啲同佢老豆食果啲一樣！

佢臨走前幾日搬嚟我度住，我見佢啲傷風咳都好左好多，便跟她說：「買錯都冇問題啦！錯有錯著啫，有陣時抄襲果個仲青出於藍都未定。」