蛻變中的黃埔

十幾廿年前搬到紅磡區住，告知朋友/同事此事，他們第一個反應便是：「那區沒有地鐵，交通不便喎！」

可能我年紀大，我從來唔喜歡搭地鐵！當然，地鐵有地鐵嘅方便，但如果所到的目的地不遠，上落地鐵站的時間加埋乘車時間，有可能較搭巴士更長！

再者，地鐵初啟時有非繁忙時間，如果不是上班，可以選擇非繁忙時間乘搭地鐵；曾幾何時，地鐵任何時間都變成繁忙，上車企到落車！加上地鐵上你眼望我眼，好多時睇倒啲唔應該睇嘅嘢！

其實紅磡除了冇地鐵外，巴士路線四通八達---往港島東、港島西、九龍東、九龍西、新界東、新界西，甚至上國內都非常方便！我好驚第日紅磡有地鐵後，巴士路線會減少！不過，這又是必然的事，巴士公司都要生存架，冇利可圖嘅路線梗係要刪減啦。

無論我鍾唔鍾意(唉！世事又豈能盡如人意吖，做人都係實事求事好啲)，紅磡區快有地鐵啦！呢個係現實，我必須接受；一個人唔可以死牛一便頸，淨係諗自己嘅！唔喜歡搭地鐵係我個人事，我點都唔會話自己代表全港市民意見：最主要係我冇收過人錢，我冇必要講啲違心論。

近呢一年黃埔區有大變遷，相信係因為地鐵快通車緣故。較早前我都講過黃埔美心結業，其後區內不少店鋪好似打麻雀、四圈執位咁，搬來搬去。最近終於明白啦！相信因為呢區快有地鐵到達，一些大型連鎖店開始進佔本區有利位置，最近響呢區見倒Uniquo，H & M啦！

港島西地鐵剛剛通車，成個西環經已翻天覆地。以往西環因為交通不便，營商是一潭死水！依家有地鐵，原有的小商戶難以經營：因為鋪租倍增，小商戶難以經營，果區地鋪續漸變為地產、酒樓……..這是時代變遷必然現象！你喜歡也好、不喜歡也好，也得接受！哼，那不變成順民？但是，不要忘記這些變遷對大部份人有利，做人總不能為一己之私、阻住個地球轉！

我為人十分專一，每天早餐來來去去食住果兩三款食物，人地唔厭我自己都厭！今天也來個轉變，食新嘢：(新地方、新食物)

藍莓麥皮

芝士漢堡(裡面不是用牛肉做的漢堡扒，是有點冷的：像是火腿)

咖啡