拭目以待!
李十郎:「所謂路不拾遺,原是美德。」
去年平安夜當日灣仔解款車跌錢意外,其中一名執錢人、六十八歲廁所清潔工鍾英傑,成為案中首名提堂並認罪被告。他當日撿得八千元,事後只交還二千元給警方,最終獲輕判緩刑。
另一名執錢者認罪。該名商人當日乘的士路經,叫停車撿去逾十六萬元,求情時大呻執錢後遭媒體大肆報道,網民對他與家人「起底」,前妻及女兒因此與他斷絕來往。裁判官批評執錢行為瘋狂,被告後悔已太遲,判囚五個月,成為首位執錢案入獄人士。
裁判官李國威指此類案件前所未見,市民執錢行為瘋狂及失去理智,漠視法紀,令人震驚。被告四十多年來奉公守法,努力工作,因一時貪心犯案,判刑亦有難度。但法庭要給予公眾訊息,此類案件一定要嚴肅處理,以免有人再犯,故以九個月作量刑起點,因被告認罪,扣減至六個月,考慮他初犯及家人受網上欺凌等因素,額外減刑一個月。
-------------------------------------------------------------
此案判後,我與不同的朋友傾談開,大家不約而同認為判刑太重!我的氣功師父還問:「路不拾遺、交還款項那些人是不是應該有獎賞?」(好似又唔覺喎!)
雖然突然間有大筆錢從天而降,正常人都難免忍唔住會執。中國人不是有句說話:「地上執倒寶,問天問地攞唔倒咩?」不過,佢地冇諗過銀行啲錢會有記錄、攞左都用唔倒啫,否則點會蠢到響facebook唱通街----咁揚吖!
法例講明:Ignorance of the Law is No Excuse!(大概意思係法例寫左咁樣做係違法嘅,即使你冇睇過,做左都唔可以用唔知做理由)不過,有幾多人有機會睇過啲法例吖!)
-------------------------------------------------------------
執錢呢樣嘢,受害人得銀行啫!相對於「佔中」,影響嘅係全港市民。「佔中」期間經濟、民生、教育都傷亡慘重,話冇影響嘅果啲根本唔係港人!即使「佔中」完結後,親情、友情...撕裂亦難以修復。負責執法的警務人員家屬更遭人起底及網上欺凌!如果執錢影響咁小,法官都要重判,為了要給公眾一個訊息,那麼「佔中」人士更應重判-----執錢五個月,佢地起碼都要判五年!
還有,「雙貪案」一拖再拖,政府係咪想傳達一個訊息:祇要做過特首(無論現任、定係離任)都可以終生免起訴?
論貪?許Sir少好多:佢祇係貪威識食,洗腳唔抹腳啫!
貪曾?佢持住有特權,有好嘢益晒親朋戚友喎!
關EE:吹水都係想有人認同啫!多謝支持。
我都有同感 , 可以的話都想俾十個LIKE妳