連開5店展鴻圖林祖輝姚嘉妮夫妻檔密密賺

2015/02/13 08:41:59 網誌分類: 生活

13 Feb

        香港去年零售總值出現沙士過後首度萎縮，本地零售市道轉差，但就無影響食腦嘅林祖輝，大搞童裝生意，一年內開足5間分店，間間有錢執！最新舖位於人流密集的尖沙咀，「呢間舖開業第一個月已有錢賺，因為生意太好，聖誕節黃金周期更加做到冇停手，被迫延長營業時間至10時！」愈戰愈勇的林祖輝管數，太太姚嘉妮就做「顧問」幫手入貨。兩公婆一條心，打造童裝品牌王國！採訪：方騫平攝影：沈灝南

        場地：Rookie@尖沙咀isquare111店舖

        尖沙咀的千呎新店，代理了Jordan、Nike、Levis、Converse等童裝品牌，有名牌效應，自然吸引到好多本地潮媽和自由行帶仔女「鳩嗚」扮靚。

        林祖輝表示今次投資了7至8位數字，不過商場多歐美、亞洲等地遊客，消費力強，生意額超好，開業第一個月經有得賺，他說：「咪睇我表面風光呀，之前做咗好多嘢，水蛇春咁長寫計劃書sell自己間舖，先揮抵對手租到舖咋。?家我好似股神咁，日日睇住部電腦，咁多間店舖打出嚟嘅營業數字，我主要睇數部份，其他落手落腳，好似訂貨之類就交畀夥計，因為請人要有信任，員工先至會同你搏殺！至於太太姚嘉妮間中會落舖巡視，佢主要以媽咪角度畀吓意見入貨，比如衣服質料，係咪要多揀橡筋頭褲仔，就算細至一粒鈕都會留意到。」