生意愈做愈多范振鋒李思欣搞一站式娛樂城

2015/03/06 10:13:31 網誌分類: 生活

06 Mar

        愛開餐廳做老闆的范振鋒（Ricky）和太太李思欣，去年獲邀在荃灣的娛樂城搞中菜廳。但Ricky反而看中有麻將、飛鏢、腳底按摩和保齡球場一站式的娛樂城，「香港好難搵到呢啲五、六萬呎嘅娛樂城，有都用嚟起商場出租啦。」連埋開小廚，二人共投資了過百萬。由於位置就近他們的深井寓所，不但巡舖方便，更成了兩公婆的第二個飯堂。撰文：李佩儀攝影：譚壹致

        「朋友搞咗年幾，早排餐廳要轉手，咪問我哋有無興趣接手做小菜，但我反而想入股娛樂城，覺得有得做。」入內，先見到西餐廳，落到樓下便是大型保齡球場、中菜廳、按摩店和飛鏢區，還有遊戲機和扭蛋機，設施甚為豐富。Ricky和李思欣接觸後好鍾意，「我哋覺得好適合一家大細嚟玩，雖然地方就偏遠啲，但唔使吓吓返大陸喎。」

        街坊怕執笠

        由於二人本身有火鍋店和日本餐廳，所以接手後只需加添人手、重整架構及構思一些新菜式便搞掂，短短兩星期已重新開業。閒時兩公婆都愛到那裏開餐，因車程只需五分鐘，他們更賣花讚花香：「嚟呢度食慳錢嘛，一個套餐有餸有飯加埋杯嘢飲，都唔使四十蚊，一定平過出面。」Ricky還笑言：「有啲客怕我哋執笠，係咁叫我加價，但我想益吓街坊，賺少少算咯。」