大快活：超難食糯米雞

我自小喜歡食糯米雞。第一可能細個果陣冇咩嘢機會食倒；第二食一隻糯米雞可以唔食一餐飯，除笨有精！

在公務員生涯最初果幾年，茶水部有位婆婆每朝都買左啲糯米雞、燒賣、叉燒飽之類嘅點心返寫字樓，然後轉售給同事，賺個差額。那些年，我差不多每早都幫趁佢買個糯米雞食，好滿足、身形更豐足！

那時的糯米雞，記憶中當然有一舊雞啦！還有整隻冬菇、三份一條臘腸、還有肉碎之類.....

十多廿年前，我覺得「大家樂」嘅糯米雞都唔錯架！雖然將貨就價：雞變左雪藏雞中翼、原隻冬菇變左冬菇絲、臘腸變成片....都冇所謂啦！味道調較得好咪得囉。但係近呢幾年，「大家樂」果啲都唔好食.....不過，冇諗過「大快活」果啲直情可以用「難食」嚟形容！

我家附近剛開了家「大快活」，早兩日去幫趁。睇吓個餐牌：烘多士唔想食、炸咩炸物唔想食...見有糯米雞，咪叫隻糯米雞加杯奶茶囉！

嘩！隻糯米雞完全唔掂：雞中翼向來都好難會煮得失手！但係果隻雞中翼又鞋又乾，簡值吞都吞唔落肚；惟一食得落肚嘅係果片臘腸！糯米又爛又乾....

平時我都食唔晒一隻糯米雞，一般都係食三份二左右；今次連三份一都冇法子吞！唉，呢啲係食物嚟咩？呢啲係垃圾，送去堆田區啦！