死剩雙手！

唔係「死剩把口」咩？唉！我都想死剩把口呀。唱歌之人唱唔倒歌，真係比死更難受！

年初一至今，都係病懨懨、病懨懨；既冇精神，亦咳到唱唔倒歌！剛過去嘅星期一盡地一煲出騷，免強過左骨，但係跟住幾日，病情更差。呢幾日搵番相熟果位中醫睇(佢年十一至開診)，食左幾日藥。尋日都仲係好咳，尋晚轉左藥，今朝明顯咳少左；不過，仲未可以唱歌！

人地就話死剩把口，我依家係死剩雙手！精神好左啲，唔唱得歌，有咩嘢好做？咪搵嘢嚟攪囉----我呢份人係辛苦命，冇嘢做唔舒服！

尋日睇完中醫，行過隔離鋪，搵改衫嘅老板娘串門子，最終買左啲花邊之類嘅嘢，幫我啲衫改頭換面當新裝：我平日買衫多數係淨色，都幾悶架！

純黑色加上銀色花，係咪成件衫都醒神左呢？

深紅色衫配左一片黑色喱士花：

杏色外套加左花邊響開胸處：

萍果綠加左古典花：

斯文啡色針織外套加上金色喱士：

我仲以為有排攪，因為唔可以用衣車，全人手製作，估唔到一晚攪掂！