三傻賞花燈

呢兩日呃左三餐飯食！不過都抵請啦：趁我食得唔多！

尋日同「哎呀大仔」加一位曲友食自助餐，三個傻婆慶祝中國人情人節(仲係我嘅西曆牛一)，自助餐響柯士甸路龍堡酒店園林閣咖啡室，我之前都介紹過，冇咩特別，勝在地方寬敞、光猛，坐得舒服。

呢處通常響Open Rice網印張優惠劵便每位減一百蚊。尋日除左我，其餘兩位都係長者；原來長者優惠更多，減完之後較我用優惠劵還便宜多廿蚊！

食食吓，曲友問：「九龍公園會唔會有花燈睇？」

阿仔：「以前有！今年唔知。不過，文化中心應該有！」

既然都係響附近，即管去試吓運氣。

又係一個淒風苦雨嘅晚上，幸好我地去到文化中心的時候，節目剛好開始。三個老頑童真係從來唔會專程去睇花燈(響電視新聞度睇，就梗係有啦)：

返老還童的一夜！