洋紫荊市花:伊人獨憔悴
2015/03/17 10:46:02 網誌分類: 生活
上星期響網誌度問以下是什麼樹:
多謝網友阿夢告知:此乃「黃花風鈴木」。其後還有報章報導,深水埗南昌公園種左大量「黃花風鈴木」,金光閃閃,極受市民歡迎,大批市民前去拍照留念。
講真吖!我一向對黃色嘅嘢都冇咩好感:黃色招牌、黃色刊物、黃色雨傘、黃色T恤....有邊樣係好架?不過,世人獨愛黃金!噢,錯了,係黑金至啱。
尋日搭巴士,因為春暖,所以沿途見倒不少樹木都開了花:炮仗花
杜鵑花、金鈴花、木棉樹.....個個爭奇鬥艷,反觀本港的市花洋紫荊,便相形失色,唔夠其他花鮮艷!是我對香港社會的看法、還是因為現代年青一代所作所為,令香港及代表香港的市花也相形失色?
不過,花無百日黃!祇不過頭尾兩個星期,今朝行過,花經已開始落。幾位街坊伯伯亦好奇問:呢啲咩嘢花?好靚喎!
哈哈!我今次知少少,可以扮代表啦。
我:「佢地叫「黃花風鈴木」(有位阿伯仲搵紙筆記低添),仲有紅色添,你去葵芳邨就搵倒。」
我自少不喜歡黃色,也不喜歡花,容易凋謝!我喜歡竹,很喜歡杭州九溪十八澗果片竹林,第一次見方竹。
明天經過望一望先。