腦筍未生埋！

中環出更：「新政」靚女 空降黃埔東鬥梁美芬

美國、意大利、日本、韓國等國會，都有唔少專吸男性選票嘅靚女議員，呢個情況過往喺香港就唔多見，但希望在明天。喺佔領行動後成立嘅新組織「青年新政」，就有一位靚靚OL宣布積極考慮參選年底區議會，仲講明有意落九龍城黃埔東選區，向外號「鼠王芬」嘅當區現任區議員兼九龍西立法會議員梁美芬挑機。呢場世紀之戰，未開打都已經有睇頭。

嶺大中文系畢業

「青年新政」尋日舉行成立典禮，聲稱現有過百名成員，年底將會派出八名「傘兵」參加區選，並主打本土路線，包括捍衞廣東話、強調所有政策港人優先，甚至認為連水電等必需品，香港都要自給自足等。

游蕙禎 畢業於嶺南大學中文系，大學二年級時獲派往一間親中報章實習，曾經採訪過特首梁振英嘅活動，畢業後佢本來諗住做個平凡OL，點知一場佔領行動令佢萌生從政念頭，咁啱有住黃埔嘅朋友同佢呻，話鼠王芬成日唔落區，鼓勵阿禎落去參選挑機。我哋call過梁美芬想問回應，但佢好似唔喺香港聯絡唔到。

卓妮

靚唔靚女？見仁見智啦！靚妹就一定係。

有冇腦架？香港可以自給自足？捍衛廣東話？因為佢讀中文系、英文唔掂？李光耀成功之處其一係堅持國民要重英語呀！傻妹。

香港未來交到這些心智都未成熟嘅人手上，唉！......