日式鬼馬蛋糕 – 人氣拉麵蛋榚???

我碗天婦羅拉麵好味嗎????

其實佢係一個真正蛋榚.

望上去同一碗真正拉麵好相似.

仲有佢真係用一隻日本碗盛起個蛋榚

因為佢外型好吸引,

所以今次我定左呢個生日蛋榚

由上層望下去好有真實感.

當大家見完之後.

好想知係乜野味道.

佢係一個芒果吉士蛋榚,

將吉士慕絲唧上面層, 

變成麵條.再淋上伯爵茶啫喱湯底凝固後

就變成拉麵模樣

切開入面全是一層熟透香甜芒果味.

而下面一層是吉士同蛋榚

平均份量一層疊一層.

當你食第一啖時,

口裡香滑吉士,

軟棉蛋榚再加上啖啖芒果肉.

混合後, 

依然分出層次分明味道, 

沒有太膩或太甜質感.

只有吃下去, 吃下去的心情.......哈哈

講完內在美,

一定要講下外在美.

上層鳴門卷係白朱古力.

而兩隻天婦羅大蝦

係加上蛋榚碎的榛子朱古力

入面都係朱古力.

另外, 

二塊紫菜都係由朱古力薄片製成.

 仿真度超高.

甜品或蛋榚. 

大家好多時吃完, 

令心情更開懷, 

但今次的鬼馬蛋榚一見已經開心到暈

而且味道真係超正.

特別D 芒果..

如果喜歡芒果的朋友.

係要試下.

大家要注意: 

盛載鬼馬蛋榚系列用的器皿真係用真煲同真碗.

所以取時, 

大家要留意.

特別百變窩蛋牛肉飯. 

酒店會連煲蓋附加上因此比較重.

 今次鬼馬蛋糕,

除左我食過呢個款外.

仲有其餘兩款. 

鬼馬蛋糕 -

 百變窩蛋牛肉飯(君度香橙朱古力慕絲蛋糕)

中式鬼馬蛋糕 - 廚神 -  鮑魚香腸煎蛋飯

如果大家有興趣可以去下帝景酒店官網睇下或查詢下

http://www.royalplaza.com.hk/chi/home/onlineshop/cakeshop

https://www.facebook.com/RoyalPlazaHotelHongKong

希望大家喜歡我的分享，謝謝瀏覽

>歡迎邀約合作試用、出席活動