寧要亞視，不要港台

亞視不獲續牌，港人本來一早預左----呢幾年亞視淨係將啲舊節目翻炒、翻炒、再翻炒，相信結業係遲早嘅事。亞視員工與其日日望天打掛(每個月尾都唔知有冇糧出)，不如及早轉工好過。

話又說回來，雖說亞視播嘅全部係翻炒舊時製作劇集，點都好睇過依家「無線」自己製作果啲！我姪女一回港便問我有冇睇「無線」夜晚果兩套劇？我話一劇衰過一劇----「以和為貴」作劇作到天花龍鳳，脫離現實：調解員咁嘅款，你有冇信心交俾佢處理？徐子珊成個白痴妹咁，我係佢老公都走夾唔抖啦！

姪女同我都可說曾經係無線慣性收視支持者，今日真係「粉絲」都要走頭！「無線」靠食老本、靠慣性收視，相信唔捱得幾耐！

所以話吖，「無線」越來越差：冇似樣啲嘅藝員、冇人生經驗嘅編劇、甚至監製/導演都唔知現實係點？點會拍倒好劇俾人睇？所以：今朝亞視...他朝無線也..

不過，我相信港人最渴望見倒嘅係：

收政府錢反政府，點可能有咁著數既事？？養狼狗,咬心口，有咩嘢理由將「亞視」嘅頻譜分俾「港台」？

最少都摺埋「香港電台電視部」啦，又話者年年減佢budget，陰乾佢啦，唔該！