擺國箍法上台？

有路行不得

神仙亦氣咳

乖仔打銅鑼

老子賺一筆

紫府將「廿三味」束之高閣多年、都可謂漚到發晒霉咁滯、不過今次可能有代替盤上市了！由於「亞頭行」嘅成立對山姆大叔嘅霸主地位構成嚴重威脅、並且觸動其敏感神經。為着要令「亞頭行」盡快夭折、山姆大叔已準備好向阿爺發動全方位攻擊、搏老人家差錯腳掉進他的陷阱裡面去。山姆大叔除了在阿爺家門外四圍點火之外、還要在寶島和紫荊城兩地舞火龍、總之係都要搞到阿爺家裡家外到處火光四起至為之過癮。正當阿爺感到頭痕之際、點知火雞幫無端端幫咗老人家一個大忙。該幫忽然派人跑到前事頭婆老家、以紫獨幫之名注冊為合法社團、並開始公開徵收捐款和準備大展拳腳。阿爺見機不可失、便趁勢吹風要將「國箍法」擺上台。

江湖上盛傳「國箍法」只是作為擺「廿三味」上台嘅楔子。呢嗱、唔知各位點睇、我就唔覺得係咁既。實際上「廿三味」與「國箍法」相比簡直是小巫見大巫、而且擺「廿三味」上台就要睇飯盟面口、以目前形勢而言、成功嘅機會是等於零。之但係、如果由阿爺直接將「國箍法」擺上台嘅話、那就簡單得多矣！也許你會認為、咁即係夾硬來。對呀、就是要來強的。試問阿爺跟前事頭婆簽署「離合聲明」之後、有那一方不是各講各話、有那一件事不是夾硬來的呢？現在連未被接納嘅草議內容、都被人搬出來當作為「歸本法」精神咁去蠱惑大眾、試問呢個世界上那裡還有誠信可言？以當今形勢而言、莫講話口講無憑、即使是立紙為據亦屬多餘、那些所謂誠信、誠諾等玩意簡直是連屁都不如。形勢已經很清楚、拳頭就是硬道理、我就見唔到紫荊城有人嘅拳頭硬得過阿爺嘞。按照今日嘅形勢看來、阿爺似乎已經認定容忍只會令紅家會陷入萬劫不復之地。依我睇、阿爺今後的手段勢必越來越強硬。信不信由你矣！