集不同品牌於一身何倍倩開新店搵商機

2015/04/24 08:42:07 網誌分類: 生活

24 Apr

        「恒生心抱」何倍倩（Anina）經營自家護膚品牌Zensation多年，早前投資逾百萬在銅鑼灣開設新店「LCA」，主攻不同品牌的產品。她表示因朋友有好產品搵不到地方出售，若夠獨特，集大成於一身，說不定有商機，於是決定博一博。最初以為頭三個月會守得好辛苦，豈料生意穩步上揚，幫她打了支強心針。

        撰文：李佩儀攝影：李權威

        新店面積約二百多呎，由於在利園商場附近，人流量都算多，Anina笑言：「我成日見到對面有人等車望過嚟，我諗佢第一日望到無興趣，但望多幾日都會入嚟睇吓。」於是即時扑槌裝修。籌備了半年，她覺得最困難是篩選產品，「我唔可能每個品牌隻隻產品都入晒，要揀到品牌嘅重點，仲要自己試過好用先得。」暫時店內有三個不同的品牌，除護膚品外，還有可用來落妝的清潔布和一系列兒童產品。

        店內設計以簡單乾淨為主，望客人選購時能舒服一點。問她售賣其他品牌會否自己打自己？她笑言：「唔會，其實每個品牌都有自己嘅吸引之處，反而吸引到唔同嘅顧客，嚟幫襯時會睇埋其他產品。」她表示今年是忙碌的一年，隨了要打理新舖，有美國公司有意入股Zensation，現已洽談得如火如荼，令她十分期待，並望今年可以成事。