早前TVB小花梁嘉琪主持的資訊節目《你健康嗎?》夠生鬼,網民好評如潮!原來33歲的她不獨精靈過人,仲好食腦,食住韓風勁勢,年幾前經已低調榮升小老闆,在鴨脷洲海怡半島東商場開咗間只供外賣嘅蚊型韓國地道小食店,除咗粉絲、街坊、學生哥幫襯外,仲吸納到大班韓劇迷狂買杯杯雞,開業不久已回本,她笑說:「其實我私心大過野心,?家攞正牌係咁食!」採訪:方騫平攝影:李維隆
場地提供:韓點@海怡半島東商場地下G08A舖服裝:hivefashion飾物:Odeon
梁嘉琪同呢間小店好有緣份,話說位於紅磡的總店由阿豬媽(韓籍主婦)打理,每日嘉琪返工前必買至愛魚蛋、壽司同泡菜,食完充滿動力。及後得知老闆願意開心share,可以合作做加盟店,不過開店前先要接受有關訓練課程,由招呼客人開始到入廚,要求認真!
嘉琪坦承:「舖頭由4人合資,而我只係投資咗5位數字嘅小股東,有時落嚟打躉,最叻係收錢。」而自家製泡菜都好受歡迎,她說:「祖藍話老婆李亞男好like泡菜,遲啲搵我落柯打。其實開呢間食店係為食,滿足我任食願望!我冇諗過做飲食大亨,暫時當係取經先,目標再下一城進駐尖沙咀韓國街啦!我重視食物質素,所以門口冇貼相吸客,唔使明星效應,好嘢就自然有景。」
|