為做好老闆啤梨寧退居幕後

2015/05/22 08:41:16 網誌分類: 生活

22 May

        演藝學院舞蹈系畢業的啤梨（葉文輝），一直有夢想開設舞蹈室，但入行多年始終沒機會。3年前他既為達成心願，又看到兒童興趣班的發展潛力，毅然跟朋友在天后開設「BearTAcademy」兒童藝術中心。雖花了一年近7位數投資便回本，但他認為過程艱辛，但亦學識做生意要放下藝人身段，更不惜退居幕後。撰文：杜淑霞攝影：陸旻昱

        原來啤梨早在演藝畢業已想開舞蹈室，但當時沒經驗，被家人勸止。這次再的起心肝做老闆，一樣遇到不少困難，「搞生意我真係零知識㗎！由派傳單到搞強積金，全部都要學，試過接待員做咗幾日走咗，都要自己頂埋。但我咩崗位都做過，更加知道點樣去經營，依家我唔會再顧住藝人個身份，喺學校反而退後一步仲好。」

        兒童藝術中心近年開到成行成巿，但啤梨極速回本，除了其藝人身份有助宣傳外，最主要是識得自家編寫課程。「我哋會將老師寫嘅課程賣畀其他學校，提供咩師資，仲會安排啲小朋友有多啲演出機會，依家都有6間學校用緊。」未來啤梨最希望學校可以在九龍開分校，「等緊投資者加入，如果有興趣就透過頭條日報聯絡我啦！」