親人睇住夠放心 曹永廉開茶餐廳
2015/06/05 08:41:16
網誌分類:
生活
曹永廉繼2011年跟太太姜依蘭在中環開店「appaman」賣童裝後,前年再接再厲做老闆,跟哥哥在順利警察宿舍商場開設茶餐廳「茶記冰室」。雖然拍劇工作忙碌,但廉記依家頻頻搞副業,只因身邊永遠有親人睇住,令他可以無後顧之憂,兼顧幕前工作之餘,大可放心做老闆。撰文:杜淑霞攝影:李維隆 廉記今次跟哥哥及另一個拍檔,合資七位數開店,只因哥哥和拍檔都有經驗,「始終呢行好被動,我兩個小朋友仲細,自己搞啲生意,可以控制嘅嘢多啲,想打開另一條門路,唔想俾呢行完全困住。況且拍檔同哥哥都有做飲食經驗,自己細個夢想都係開茶餐廳,既然難得有機會咪試吓囉!」 工作雖然忙,但廉記依然堅持到餐廳坐鎮,「好在有哥哥幫手睇住,但係力不到不為財,我有時間都會落嚟睇住,幫得手就幫手,亦都要了解多啲舖頭嘅嘢先得,特別係食物質素最重要,水準唔好啲客就會慢慢流失,到時想追都追唔番,所以我嚟親都會試味,同埋度吓啲新菜,咁樣餐廳先至做得長遠㗎嘛!」 |
![]() | |
| |
![]() | |
| |
![]() | |
| |
![]() | |
![]() | |
| |
![]() | |
| |
![]() | |
| |
![]() | |
回應
(0)
我要發表