免費膠袋，有冇得派？

膠袋全面徵費適應期屆滿，違規店鋪昨起將被直接罰款，環保署昨巡視逾百商鋪，共票控一家士多及一家藥材店，各罰款二千元。仍有商戶稱不清楚收費準則，免費向顧客派膠袋；有商戶則就豁免貨品派膠袋時收費，也有顧客不滿不獲膠袋，責罵商戶。

全面膠袋徵費實施一個月，適應期屆滿，環保署昨起可直接向違規商戶發出二千元定額罰款通知書，截至昨午五時，環保署共巡視了一百二十二間店鋪，發出兩張定額罰款告票，包括一家士多及一家中成藥店。環保署人員早前亦累計巡查近萬零售點，發出七十五個口頭警告，涉及街市檔位、士多及麵包店等。

除豁免貨品外，商戶需向索袋的顧客收取每個五毫的膠袋費。但有顧客不熟悉新法例，導致爭拗，有水族店負責人稱，因不會主動提供膠袋，被人責罵；亦有商戶寧願息事寧人，顧及生意，免費給顧客膠袋，「你不給，他們真的會發怒，生意都做不了。」更有外籍顧客不清楚收費內容，取得免費膠袋後感到憂心，「要收費了？我要坐監嗎？」

另一邊廂，有不少商戶仍不太熟習收費模式，本報記者在將軍澳厚德街市查看，有菜販將原本豁免收費的買菜膠袋都收錢，並要求顧客將蔬菜放入客人隨身的其他膠袋內，經多番解釋才給一個膠袋。另有讀者翁先生投訴，在維景灣畔一家超市，買了凍肉、盒裝雞蛋和米等，但收銀員態度惡劣，聲稱凍肉入膠袋都要收錢，翁向其解釋應有豁免，但店員要求他自己去拿平口袋，拒絕為其入袋，「我無要求她入膠袋的雞蛋，她反而堅持入膠袋，事後我發現她乘機揑爛幾隻蛋，簡直離譜！」

環保署助理署長王德威表示，未來幾個月除巡查外，亦會放蛇和跟進市民投訴。對於有店鋪對豁免貨品照樣徵費，甚至一律多收五毫，王指多收五毫做法不牴觸法例，呼籲巿民自備購物袋。

綠領行動總幹事何漢威說，有商戶仍不清楚收費準則，亦有個別商戶乘機收費圖利，但大型連鎖超市無理由不知道豁免準則，「其實要加強教育員工，商戶固然可以將豁免收費的膠袋都照收錢，但一定要在當眼處張貼告示通知顧客，否則引發爭拗。」

團體前日調查發現有兩成四市民購物使用膠袋，較四月一日調查減少十一個百分點，而自備購物袋及直接拿走貨物的比例則由上次調查增至最新七成二。

----------------------------------------------------------------------

唔知普羅大眾又是否清楚獲取免費膠袋的準則？經過過去一個月的觀察：

一. 麵包西餅：如果本身經已密封左，咁買幾多都冇膠袋送；但如果買經濟裝或家庭裝嘅麵包，果啲通常係用鐵線封住袋口，因為並非密封，所以可以攞膠袋；

二. 響街市買餸，基本上任何嘢都有膠袋提供；我留意到以前買魚，魚販劏好用一個袋袋住條魚，另外再加多一個外袋，依家就冇呢支歌仔唱；

三. 響超市買嘢：急凍食物可以取平口膠袋袋住。但係我響「街寶」買隻「急凍烏雞」(通常係用發泡膠盒盛載，上面用保鮮紙封住)，售貨員拒絕提供平口袋；問題係：咁樣算唔算係密封左？即使算係密封，急凍食品唔係可以提供平口袋咩？即使顧客有自携環保袋，但係呢種食品溶雪後會滴水架馬！

四. 響便利店買嘢，一向都冇膠袋提供；咁依家我買響雪柜拎出嚟嘅飲品，係咪有權攞膠袋？

五. 上星期我去大公司買嘢，果日咁啱唔記得帶環保袋。心諗：買內衣啫，佢地通常都會用紙包住，咁我放落自己手袋咪得囉！結果，售貨員幫我包好內衣後，再加送一個紙袋載住。送紙袋冇問題！咁日後所有店鋪唔送膠袋，改送紙袋囉！仲唔環保。

六. 如果響街市買雞蛋又如何？以往蛋販係用膠袋盛載住十隻八隻蛋，客人小心翼翼咁拎住返屋企。但係蛋本身有殼，咁即係密封啦！理論上冇膠袋派，但係顧客如何可以將幾隻蛋與其他物件放入自携環保袋返家，而又確保啲蛋唔爛呢？