幾度悔惰慳(二)
此曲原唱是陳笑風/嚴淑芳。對女平來說，相當有難度，因為有很多低音。
今日在香港曲社操曲。這是我每月一次的私家唱局(固定雙平、雙子)，今次操「幾度悔情慳」、「夢會驪宮」、「泣血水繪園」與「天仙配之重逢」。
因為一個月才與兩位拍檔各操兩首曲，所以很少會重複唱。上月與其中一位拍檔第一次操「幾度悔情慳」(我覺得啱佢唱，所以建議佢學嚟同我操)；上月雖然係第一次操，我覺得佢唱得唔錯(可惜自己錄音，失手錄唔倒)；我讚佢唱得唔錯，拍檔即刻話：「不如下月再操多次？」我梗係正中下懷啦！跟住我同佢講：「你可以學吓「夢會驪宮」吖，應該都啱你唱。」佢又順得我。尋日操完，證明我講得啱，佢唱「夢會驪宮」亦都唔錯！
再約下次唱咩嘢歌？佢話由我決定，因為佢覺得我清楚佢啱唱咩嘢歌，祇要我建議，有一個月時間，佢一定學得識。
今日終於錄倒啦！而且拍檔真係唱得好(雖然尾段嘅二流佢因為啖上頸，有少許瑕疵，屬非戰之罪)，我笑佢操多次可以出騷啦。(講笑啫！我地大家都認同：呢首歌祇適合自娛(練吓唱腔)，用嚟出騷真係悶死人、冇命賠。)
曲情描述：
蘇蔓殊同個日本妹嘅故事(果陣佢出左家架啦)。點解我唔鍾意蘇蔓殊？先睇吓佢嘅生平先：
蘇曼殊（1884~1918)
蘇曼殊，原名子戩，小名三郎，學名玄英，香山（廣東中山）人，光緒十年（1884）年生於日本橫濱。父親是廣東茶商，母親是日本人。五歲時蘇曼殊隨父親回廣東，二母親仍在日本。
蘇曼殊十二歲時便在廣州長壽寺由贊初和尚剃度出家，然後受具足戒，並嗣受禪宗曹洞宗衣缽，此後，蘇曼殊到東京早稻田大學學習，並利用假期到泰國，斯里蘭卡等國遊歷，學成後回國，在日本其間，參加國中國留學生的愛國組織，傾向於民主革命。
蘇曼殊一生曾幾次出家，但情緒反覆多變，不能真正看破紅塵。他有時身披袈裟，誦經念佛；有時又與多情少女發生轟轟烈烈的戀情。後在上海時，蘇曼殊更自暴自棄，出入青樓妓院，還暴飲暴食，最終得了胃病。
蘇曼殊英年早逝，於1918年病逝於上海，年僅34歲。
唔鍾意呢首歌除左因為為我唔鍾意果個人物之外，呢首歌都幾無厘頭----出騷千奇唔好唱，無謂俾藉口啲觀眾去洗手間吖！生、旦響首歌度係各抒感受(大家響唔同嘅地方)，基本上係零交流嘅！
日期：2015年6月8日
地點：香港
演唱者：MCC/Van
呢首歌小聽。