鮮冬菇炆雞翼

天時暑熱，真係稍為郁吓都成身濕晒。煮食？梗係要以簡單為主啦！

材料：

急凍雞翼幾隻解凍，洗淨抹乾，在兩條骨中間界開

鮮冬菇幾隻，用廚房紙略濕抹乾淨(視乎大小，一開四)

乾蔥頭幾粒

蒜片兩粒

調味汁料(先準備好)：蠔油、生抽、老抽、麻油、糖、水

一. 在瓦煲內，燒油爆乾蔥，蒜片，下雞翼略煎兩面，灒酒。

二. 加入鮮冬菇爆炒，下汁料蓋上煮滾，收細火。慢火炆約十分鐘。

三. 視乎個人需要，埋芡上碟。

註：

一. 當然可以用乾冬菇代替鮮冬菇。不過，乾冬菇要先浸發，因煮嘅時間唔長，吸味方面鮮冬菇會更勝一籌！除非事先處理好乾冬菇(調好味及蒸煮過)。

二. 我個人唔喜歡埋芡。