別矣！加太賀

何解講「別矣」？正是「今宵離別後，何日君再來？」今次一別，真係唔知幾時會再來。與食物無關，祇不過係唔就腳啫！

來「加太賀」食係因為佢位處於我阿媽住果間老人院附近，佢又開得早：酒樓一般要晚上六點後至有得食，我阿媽習慣五點半食飯，去酒樓要響出面等到夠鐘至入得！再者，我阿媽鐘意食三文魚剌身；而且，「加太賀」地方寬敞，揸架輪椅入去都冇問題。

但係，老人院要搬啦！四月話搬講到依家都未搬。上次同佢嚟諗住係最後一次，結果兩個月後都未搬，今次應該唔會再改咯掛！四月果次啲相片冇上載，因為食嘅嘢跟以前千篇一律！所以今次要攪攪新意思。

一. 飲啤酒？梗係姪女同我嘅專利啦：

二. 海膽呀！第一次響呢度叫嚟食。有兩種，侍應介紹食呢隻：

三. 蟹子沙律：每次必食！

四. 燒三文魚頭：我阿媽至愛。不過佢淨係鍾意食相中左手面三角果個位：佢認為最滑！剩番果啲咪我地食囉。講真呀，雖然個魚頭好大，但係其他部位其實都整得好滑。

五. 三文魚刺身：都係我阿媽至愛！我都係。佢呢度嘅三文魚切得好大舊，食兩舊經已好飽。

六. 京蔥鐵板蝦：呢樣又係第一次叫！有八大隻蝦，食味唔錯！

七. 鰻魚炒飯：唔記得影相！雖然叫左細份，但係份量都好多，食唔晒！如果問我，我寧願叫原條鰻魚飯。粉炒飯用上鰻魚絲，唔係幾食得倒；如果純粹以炒飯嚟計，食味冇問題。