進駐港島開分店林祖輝愛跟童裝「談情」

2015/06/12 08:41:21 網誌分類: 生活

12 Jun

        亞視出身的林祖輝做童裝生意好有成績，之前更有過百客仔逼爆門市爭買全球熱搶的AirJordan11童裝波鞋，唔計利潤單賺人氣都夠。林祖輝最新一間童裝分店設於銅鑼灣，亦是第一間港島分店，他雄心壯志說：「今年內會再有搞作，目標係移師澳門！」採訪：方騫平攝影：譚壹致場地：皇室堡

        2013年，林祖輝膽粗粗跟拍檔投資8位數進軍童裝界，短短年幾時間開足六間分店，成功打造童裝王國，家陣他手持4個外國大品牌的童裝代理權，稍後還會加多一個美國潮牌，生意愈做愈好。

        新店新SellLevi's

        籌備年幾，第一間港島區分店於上周開幕，因為實用面積僅得200幾呎，所以只能集中火力出售LEVI'S童裝，祖輝話：「雖然係細細間，但呢個商場人流多好值租，等咗年幾都冇吉舖，所以租到呢間舖得來不易，事前要做好多書面聯繫，兼且要提交企劃書等，當然租金唔會平，尤其係年前傾落租約，叫做一個合理價！所謂五窮六絕七翻身，現階段唔係零售旺季，但我又唔介意呢個時候開舖，父親節一家大細行街買衫仔都係商機。以前我同黃子華夾份喺銅鑼灣開過家居店，經驗之談，知道有班高消費力嘅港島居民係唔肯過九龍，港島區新店正合佢哋心意。」

        之前童裝店開賣全球熱搶的AirJordan11童裝波鞋掀起通宵排大隊搶購潮，嚇到兩公婆唔敢返公司，最怕順哥情失嫂意，他笑說：「除咗好多星級父母，連李思捷都打嚟話要玩我呀，原則上我都會賣晒畀排隊顧客，嗰日唔夠一個鐘，幾十對就售罄。」

        對於掀搶波鞋潮，祖輝強調：「反應無疑係理想，但唔可以拎住1、2個牌子就發達，做生意好講求學問，仲要考埋採購眼光作為入貨量指標，因為貨量唔可以太多，又唔可以冇貨，有時都會跌眼鏡。不過，經營心得我會同每件衫『談情』，要同佢地有交流，要落手落腳摸過衣服質料，有互動呢段情緣先至可以發展落去。」

■因為實用面積僅得200幾呎，所以只能集中火力出售LEVI'S童裝。

■林祖輝為銅鑼灣新舖落手落腳。

■商場外放置巨型宣傳海報，落廣告好重本。

回應 (0)

我要發表

月曆