「發叔」一票，何解重要！

冇諗過「政改」表決會響尋日中午攪掂！尋日好忙，新聞都唔得閒睇，結果----一早預左！但過程令人驚訝。

屈穎妍：

否決了，愈來愈覺得是好事(我一早都係咁講啦)，老實說，一般市民真的不太在乎(呢啲咪係沉默的大多數囉)。如果一人有一票會換來翻天覆地、火頭處處、經濟低迷、人心破碎，這一票真是要唔要都罷！當民智不足、政客沒個有水平，這種土壤根本就不配有民主(繼續五十年、甚至一百年不變啦！又或者：既然班嘢咁緬懷做殖民地嘅奴，咁就學當年咁，特首由中央委任，選都無謂！)

認住呢班嘢！記住邊個響你左近，仲有邊啲嘢係佢地嘅親信。好容易知嘅啫，街度啲橫額一齊合照果啲----驚佢地到選舉時移形換影，大家投錯票都唔知！

「發叔」響立法會出席率有幾多，大家都清楚！不過佢昨日(或者呢幾日)究竟是否抱恙冇人知，得的又是什麼病、嚴重到響咁重要嘅時刻都唔出現呢？

假設佢真係病。如果祇係小恙，咁佢坐響立法會休息室等「吹雞」便入議會投票即可。如果佢嚴重到要在家甚者醫院休養的話，根本冇必要等佢---反正佢果票改變唔倒我地嘅命運！

因此，心裡心裡有好多個迷：

一. 何解要等佢？

二. 何解建制派一呼未能百應？

三. 田大少一向獨來獨往(失控)，自由黨唔跟大隊並不出奇， 嫻姐愛國愛港不容罝疑，何解同屬工聯會的議員識得離席、而嫻姐獨留響度「O」晒咀？

不過，現今塵埃落定，警方係咪應該立即清場呢？