你的一票很重要！

我講的這一票，當然唔係有權通過「政改」果一票啦，因為祇有果幾十位「尊貴」議員，才可投票決定你我將來的命運！

看看尋日立法會直播，大家對前途還有寄望嗎？正常嚟講，一定通過唔倒。

尋晚同「哎呀阿仔」及網友睇「騷」，所以一齊食晚飯；唔係經常見倒，梗係趁機「吹水」啦！咁啱尋日立法會第一日討論「政改」方案，所以我地不約而同都講到呢個話題。聽落呢兩年「阿仔」改變最大，由一面倒支持「飯民」，至今完全改變態度，聲言今年區議會、及出年立法會選舉必定要憑住自己一票，踢走「飯民」咁話。

另一位曲友表示未登記做選民，但自「佔中」開始，對「飯民」全無好感，亦覺得他們不尊重民意----平日講民意係少數服從多數，依家見自己果方落後，便改變為「少數人的意見都要尊重」！那末，甚麼是民主？我也給他們攪到一頭霧水---總之係輸打贏要啦！不如講清楚啲：「我地係受人錢財，替人清災嘅；你地冇俾錢我地，何解要聽你枝笛？」我叫曲友盡快登記成選民，唔好再做沉默的大多數，令佢地得逞！

「政改」通過無望(我經已講過，個人並不熱衷！祇不過「有得揀、總好過冇得揀」)。咁嘅結果可能係好事！豈馬果班嘢暫時唔會攪出大件事；但係佢地會應金主之柯打，久不久攪事囉！

又好少咁齊心喎！我地竟然希望通過「政改」，因為長痛不如短痛囉。通過左咁佢地一定發癲，跟住發生流血事件，跟住阿爺為左維持香港安定繁榮，出動解放軍震壓，咁咪天下太平囉！雖然出動軍隊一定有傷亡，但係我地都認同要置之死地而後生的道理。講到呢樣，自不然又講到六四事件。當年大家最初都同情天安門班學生(正如初時好多香港人都認同「佔中」學生有理想一樣！但係依家變晒質啦)，我地都覺得當年演變成流水事件係參與者不知進退！咁何解唔退？因為有港人運錢上去，佢地騎虎難下囉！

算罷啦！2017應該唔得。

但係祇要你係年滿十八歲嘅香港居民，請你務必響今年七月二日前填妥選民登記表格，你便可以有票(呢一票響你手，冇人可以剝奪你權利)響年尾區議會及來年立法會選舉投票。

記住，那些人剝奪你2017投票權，你便用你的一票踢走他們！別讓他們再有機會聲稱代表你。