良心做按揭
2007/11/22 14:39:47 網誌分類: 時事
「香港地唔知有幾多人，為左供樓，供車，供養父母，供書教學，將個『自我』按左。」from 黃子華棟篤笑《拾下拾下》
可以拿去按的，不一定是自我，更不止於物業；有些女仔去做援交，就是把感情尊嚴拿去做按揭；有些人日蒲夜蒲，就是把青春拿去按；有些人以權謀私，做足十成按揭，就是把自己的誠信、良心拿去做按揭。冇錯，人地「良心」特別多，拿去做按揭都有銀行肯收，你同我都唔得架喇。
蠱惑仔都識講啦：「出得黎行，預左要還」；做按揭，你就預左要供。你幾十年唔供，都總有一日要你一次過畀晒，可能仲起埋釘利疊利，只係「時辰未到」咋！於是，良心特別多的那位，今次就有舊賬俾人翻出來。不要說人家抹黑，就算係，鬼叫你身有屎咩！
明明已經將個良心按左，仲要人地「投良心一票」，咁即係投票畀銀行得啦！正等如明明層樓早就按左，你仲要扮唔知走去賣樓收全數，監都有得你坐呀！罪名係：訛騙！
從理論上看來，一個行為並不可以用來標籤另一個行為，套用到陳太『十成按揭』事件上，無論陳太於事件上表現得『有良心』，還是『無良心』，都她的行為都只能反映她對事情上有沒有良心，但並不代表她在其他層面上，或其他行為上，都肯定或否定地『有良心』；
打個比喻，犯人受罰，是基於其犯罪行為，而不是『犯人』本身；一個曾犯過高買的小偷，犯事受罰後到某公司辦事，公司失竊時是不是一定是『小偷』偷的？不一定，每個出入過該區域的工作人員都有『可疑』，『小偷』的『可疑性』好像比較高，但我們也不會在毫無其他証據底下一口咬定是『小偷』幹的，因為我們思緒也存在著『A偷竊行為的出現』並不代表『B或C偷竊行為必然會出現』．．．．．．〔好像寫得太多了，被周煌刪去〕
所以若然你認為『民主』、『選舉』對你來說，是一件重要的事，你便不宜把這些事『簡單化』，不然便難免容易被人、被媒體『左右』你的思緒，