依家d男仔質素真係...

第一次寫d唔係投資野, 因為有感而發...
最近聽見幾個關於男仔既故事,令我覺得依家d男仔真係好有問題...

case1
個男人有女友, 個女既結左婚, 故事係個女仔岩岩轉新工, under男人
個男人識左個女仔兩三日, 就查哂佢家宅, 仲去個女仔住0個頭考察
之後就表白話鍾意佢, 咁女仔當然拒絕la, 之前個男唔死心,
日日打俾佢, 幫佢買早餐, 有次女仔病左, 男人仲想上佢屋企...
之後仲同女友分埋手....何必呢?

case2
個男仔同仔係舊同學, 一次舊生聚會大家相認返, 男仔對女仔有意思
於是晚晚msn, sms, 傾電話, 大家發展得唔錯, 突然有日個男仔冷淡哂
女仔莫名其妙, 事後至知男友原來同時追緊幾個舊同學, 有一個成功左
其他就唔再理了....

case3
個男人結左婚有老婆, 點解鍾意一個細佢廿年既女同事, 經常管接送
晚晚同個女同事傾到好晏都唔肯收線, 女同事表明無可能, 佢點都唔
放棄, 仲話會為佢同老婆離婚...如果我係0個女同事我都唔揀佢la
萬一第時結婚又俾佢遇到個咪弊....

所以成日話港女點脾氣差貪錢愛名牌, 其實港男都係, 唔係眼光短淺
就係自以為是, 只懂吃喝玩樂嫖賭飲吹掛住溝女, 點跟佢地呀?
不過都唔排除有好好既男仔既, 只係數量越來越少吧~~